Liebi Kamerade

Scho bald isch wieder Änds Johr und somit au wieder Zyt für de mittlerwyle tradizionelli Dezember-Hogg, de diesmol ime Säli zum Wirtshuus St.Jakob stattfindet. Z’erscht aber verzellt is de „Pertri-Jünger“ Hermann Koffel, im ehemolige Milchchäller vom Untere Brüglinge, einiges Wüssenswärt’s, über si Stäggepferd rund um d’Fischzucht und d‘r Arbet bim Kantonale Fischerei-Verband  vo Basel-Stadt.

D’Uusfiehrige vom Koffel Hermann duure ca. 30 Min, aschliessend git’s e Apero, wo er au gern wyteri Frooge duet beantworte. D’Unchoschte für’s Kässeli und de Apero, belaufe sich pro Nase uf ca.15 Frangge. Achliessend verschiebe mir is z’Fuess, via St.Jakob's Promenade, in‘s Wirtshuus zum gmietlige Zämmehogge, je nach Luscht & Lune, mit oder ohni Ässe.